हाम्रो बारेमा श्रम सम्बन्धी कानूनमा भएको व्यवस्था कार्यस्थलमा कार्यान्वयन गर्ने गराउने उद्देश्यले श्रम कार्यालयहरूको गठन गरिएको हो । कार्यसम्पादन तथा सेवा, सुविधा कार्यस्थलको नजिकबाट उपलब्ध गराउने उद्देश्यले औद्योगिक तथा संगठित श्रमको प्रयोग भएको क्षेत्रहरूमा श्रम कार्यालयहरूको स्थापना भएको छ । श्रम कार्यालयको स्थापना वि सं २०२६ सालमा कारखाना निरीक्षकको नाममा शुरूमा काठमाडौं र विराटनगरबाट भएको हो । त्यसै अवधारण अनुसार २०५३ सालमा सुदूर पश्चिमांचलका ९वटा जिल्लाहरुको श्रम सम्वन्धी विवादहरुलाई कार्यान्वयन गर्ने गरी सेती अन्चलको कैलाली जिल्लामा स्थापना गरियो । श्रम विभाग अन्तर्गत रहेका श्रम कार्यालयहरू हाल देशभरिमा १० वटा रहेका छन् । ती कार्यालयहरूबाट सम्पादन हुने कार्यको अनुगमन तथा समीक्षा श्रम विभागबाट गर्ने व्यवस्था रहेको छ ।